前微辣｜多姐好媽媽形象復出意見兩極 劉藴晴 雞wing連環派喜訊

多姐轉好媽媽形象再出發

曾因與阿晶爭奪工作機會引起爭議的Doris多姐（李天慧），在產子後隱退六個月，最近才高調復出拍YouTube。不過多姐的復出就引來網民超兩極的反應，雖然不少粉絲為她加油打氣，期待她能帶來更多優質的作品：「等你好耐啦！ 期待你同加蔥一齊拍片」「唔講咁多，加油啦！希望你之後都會繼續出片」「多姐正啊！唔好嘅人和事忘記佢清洗佢，重新出發。」

但亦有不少網民完全唔收貨，更重提起阿晶的悲劇：「試水溫，搵大銀？你就好啦，可以有咁幸福生活，不過阿晶就慘」「潛吓水又可以重新出發搵真銀」「阿仔大個之後知道媽媽做過嘅事唔知會有咩反應」「果然人無恥便無敵」

劉藴晴po新仔疑似「斬纜」卡特

劉藴晴（Rachel）在阿晶事件後「潛水」近5個月就繼續更新社交平台，更在今年3月的時候宣布加入澳門樂隊「青原FIDA」，並參與巡迴演出中。網民亦發現劉藴晴的社交平台已經將與男友卡特的合照刪除，疑似已經斬纜，7年情告吹。

雞wing「蒲頭」即派喜訊

除了久違「蒲頭」的多姐外，從去年7月開始「潛水」的雞wing（陳康榮）早前亦在社交平台上水，更興奮大派求婚成功的喜訊。雖然雞wing的喜訊引來了極多網民留言恭喜，但是亦有不少網民表示：「阿晶都會恭喜你」「我真係代阿晶恭喜你，咁無人性都有得結婚」「你哋過得咁幸福嘅時候會唔會覺得對唔住Jane？」